शास्त्रीय नाव: निम्फिकस होलांडीकस
कॉकेटू परिवारातला सदस्य असलेला कॉकेटिएल ऑस्ट्रेलियात सर्रास आढळतो. या पक्ष्यांची पसंती पाणथळ जागा, स्क्रबलँड व बुशलँडला असते. ‘निम्फिकस’ प्रजातीचा हा एकमेव सदस्य आहे.
त्यांचे आयुर्मान अंदाजे 16 ते 25 वर्षे असते. त्यांचे अन्न प्रामुख्याने फळे व भाज्या आणि बिया हे आहे. नर पक्ष्यांना संगीताची, अधिक काळ शिट्या वाजवण्याची आवड असते, तर मादी तुलनेने शांत असतात व उद्युक्त केल्यावरच कर्कश आवाजात ओरडतात.
हे पक्षी आपल्या पिलांची उत्तम काळजी घेतात. मादी अंडी घालतात व उबवतात आणि नर आपल्या कुटुंबाचे संरक्षण करण्यासाठी पुढाकार घेतात.
